O pasado 23 de xullo de 2025, celebrouse na sede do GDR Limia-Arnoia en Xinzo de Limia unha nova xuntanza da Xunta Directiva da entidade. Nesta sesión, tratáronse temas clave para o desenvolvemento rural do territorio, varios deles pendentes de aprobación, entre os que destacan:
- Convocatoria PEPAC LEADER 2023-207.
- Bases para a adxudicación de 10 hectáreas restantes da Finca Antela, co obxectivo de impulsar novos proxectos agrogandeiros e sostibles.
- Aprobación das bases para cubrir unha praza de persoal técnico, que reforzará o equipo durante o período de excedencia dun dos membros actuais.
- Planificación da Asemblea Xeral Ordinaria, que permitirá informar ás persoas asociadas das accións desenvoltas e das próximas liñas de actuación.
- Xestión de axudas da Deputación de Ourense para cubrir gastos derivados de proxectos como Mixturando, especialmente no tocante ao IVE e custos bancarios e comentar os avances sobre o proxecto.
- Convenios coa Axencia de Turismo de Galicia para o Xeodestino A Limia e Allariz-Maceda.
- Campaña de visibilización e dinamización “25 motivos”.
- Información sobre “Ruralmente”, proxecto que estimula a adhesión ás DOP/IXP nas zunas rurais de interese estratéxico.
- Accións de cooperación como “Espazos Efímeros” e “Nó Rural”, en colaboración con outros GDRs galegos.
Dende o GDR seguimos traballando para promover o desenvolvemento sostible dos concellos de Allariz-Maceda, A Limia, Baixa Limia e Terras de Celanova. Todas estas accións contribúen a fixar poboación, apoiar o tecido produtivo e preservar os recursos culturais da zona.
Podes consultar o resumo da convocatoria neste botón:
