Asesoría de empresas Xiama
Resumo do proxecto
Descrición
Proxecto de mellora e incorporación dos servizos ofrecidos pola Asesoría Xiama, ampliando o seu espazo de traballo.
O obxectivo principal desta empresa era incrementar a gama de servizos prestados, incorporando novos servizos administrativos para as PEMES, polo que cómpre levar a cabo unha ampliación de 450 metros cadrados a superficie, mediante o alugamento dun local comercial adicional, que será adaptado, amoblado e dotado coas últimas tecnoloxías para conseguir unha oficina totalmente equipada con tecnoloxías de comunicación TIC, e dispoñer dun espazo de traballo, lugar de reunións e sala de formación, podendo contar con novo persoal cualificado para o traballo.
Asesoramento empresarial desde o rural
Xiama é unha empresa, asentada en Xinzo de Limia, que ofrece un servizo de asesoramento integral a empresas, cubrindo todas as necesidades, que estas poidan ter. O seu propietario, Anxo, leva moitos anos no sector, apostando pola innovación e pola profesionalidade.
En setembro de 2020 inauguráronse as novas oficinas da empresa. Ampliar, optimizar e modernizar as instalacións supuxo unha maior eficiencia e sostibilidade, aínda sendo unha oficina de maiores dimensións. Tamén a adquisición dun novo equipamento coas tecnoloxías máis avanzadas, permitiu melloras, de modo que aumentou a calidade de atención ao cliente e se ampliou a súa oferta de servizos.
O equipo de traballo de Xiama é amplo e diverso, de forma, que hai persoal especializado en cada campo, o que lle permite ofrecer servizos de ámbitos tan dispares como seguros, impostos, nóminas, contabilidade, finanzas, comunidades, subvencións, etc.
Unha proposta de xestión e asesoramento integral, que aposta polo desenvolvemento e innovación na nosa terra, ofrecendo os seus servizo desde Xinzo de Limia a empresas de todo o mundo.
